خبر های ویژه
15 تیر 1402
نارستان
شعری از سعید سپهروند
آی میرزا داییم منه بیر ناغیل سویله من سنین ناغیللارین ایچره گوزللیکلر تاپمیشام سنین گوزلریوی یوموب بیر آه چکیب باشلاماغیوا هوسلنیرم ........................................................................................................ سس سیز صداسیز شاعیریم انسان اولا بیلمز انسان ساییلان یوردونا مهمان اولا بیلمز سن یوردوی دوندرسن اگر باغ بهشته فیکرونده داهی روضه رضوان ا ولا بیلمز جهد ائت دیریلیقدا سنه اولموش دئمه سینلر سس سیز یاشاماق وارلیغا برهان اولا بیلمز
تبریز امروز:
منیم اوز میرزا داییم حسن وحیدی آذرین روحنا اتحاف
بو شعر چارشنبه گونی 19/12/1388 سحر ساعت 6 دا شبستر یولوندا یازیلمیش
آی میرزا داییم منه بیر ناغیل سویله
من سنین ناغیللارین ایچره گوزللیکلر تاپمیشام
سنین گوزلریوی یوموب بیر آه چکیب باشلاماغیوا هوسلنیرم
اوغلوم... بیری واریدی...
او بیر گوزل ایگیت , ضیالی اوجابوی اوغلانیدی
دده قورقود اونا میرزا آدی بینمیشدی
او بیر آی پارچاسی تک قیزا ویریلدی
قیزین آدی نار ایدی
نار بیر بیگ قیزیدی
اما میرزانین دنیا مالی یوخیدی
میرزا بو سوگیله مجنونا دونوب داغلارا دوشدی
اما مجنون کیمی رسوا اولمادی
او خلق ایچره قاییدیب
انسانلارا یانا شدی
تمامیله چا لیشدی
چوخلی مال دولت قازاندی
اما انسانلیق داشین آتمادی
حقیقت آختاران میرزا
حقه ساری یول تاپدی
سوروشسیدین سنین نه یه هوسین وار؟
اشیدرد ین : حقیقته , بیلگیه , حریته
ندن نفرتین وا ر؟ جهالتدن , خرافاتدان , باسقیندان
او یونانلی زوربا کیمی یاشایش سورردی
سوروشسیدین سنین هانسی میوه یه هوسین وار؟
اشیدردین: نار , نار سئویرم , نار سئوه جگم
هر زمان خیال گمی سین دنیزه سالیب دیردی :
استیرم بیر نا ر باغی سالدیرام
سوروشسیدین : آذربایجاندا نار باغی یترمی مگر ؟
اشیدردین: آرزو اتمک گنجلره عاییب دییرمیش البت
سونرا سازین سینه سینه چکیب سوز آچاردی :
خلقتده هره بیر وطنه قسمت اولوبدور
خوشبخت منم آذربایجانه یتیشدیم
چوخ قصر لری وعده وردی منه اوزگه
بسدور منه یوردومدا بو ایوانه یتیشدیم
اوندان سونرا جعفر خندان شعریله سوزونه دوام ائدردی
سس سیز صداسیز شاعیریم انسان اولا بیلمز
انسان ساییلان یوردونا مهمان اولا بیلمز
سن یوردوی دوندرسن اگر باغ بهشته
فیکرونده داهی روضه رضوان ا ولا بیلمز
جهد ائت دیریلیقدا سنه اولموش دئمه سینلر
سس سیز یاشاماق وارلیغا برهان اولا بیلمز
س- روشن
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت