خبر های ویژه
3 فروردین 1402
غمِ هیجریده دیل مولکونو ویران ائتدیم
غزل از خورشید خانیم ناتوان
دیلبرا، دردِ دیلیمدن بئله عونوان ائتدیم کی، غمِ هیجریده دیل مولکونو ویران ائتدیم مومکون اولماز منه وَصلین، بیلیرم، حَشره کیمی اول سبب مسکنیمی کوه و بیابان ائتدیم عشق سولطانی منم قتلیمه فرمان گتیریب ائتمه‌دیم ترکِ وفا، طاعتِ فرمان ائتدیم ..............................................
تبریز امروز:
دیلبرا، دردِ دیلیمدن بئله عونوان ائتدیم،
کی، غمِ هیجریده دیل مولکونو ویران ائتدیم.
مومکون اولماز منه وَصلین، بیلیرم، حَشره کیمی،
اول سبب مسکنیمی کوه و بیابان ائتدیم.
عشق سولطانی منم قتلیمه فرمان گتیریب،
ائتمه‌دیم ترکِ وفا، طاعتِ فرمان ائتدیم.
سر کویونده قویوب باشیمی، بیر اوف دئمه‌دیم،
سرِ صیدق ایله جانیمی قوربان ائتدیم.
یا طبیب، آدینی ترک ائیله، طبابت ائتمه!
یا منیم دردیمی تاپ، گؤر نییه طوغیان ائتدیم.
یوخدو بیر کیمسه مگر دردیمی بیلسین، یا رب!
کی، من اؤز قانیم ایله دردیمه درمان ائتدیم.
دردِ هیجرینده گؤزوم یاشی توتوب دونیانی،
نوح طوفانی کیمی گؤر، نئجه طوفان ائتدیم.
ناتوان، ائتمه‌دی اول سنگدیله ناله اثر،
گئجه – گؤندوز نه قدر ناله و افغان ائتدیم.
خورشیدبانو ناتوان
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت