خبر های ویژه
14 اردیبهشت 1403
فعله ! اوزونی سن ده بیر انسانمی سانیرسان ؟
میرزاعلی اکبر صابر
فعله ! اوزونی سن ده بیر انسانمی سانیرسان ؟ پولسوز کیشی، انسانلقی آسانمی سانیرسان؟ انسان اولانن جاه و جلالی گره ک اولسون انسان اولانین دولتی ، مالی گره ک اولسون همت دمیرم ؛ ایولری عالی گره ک اولسون آلچاق ، اوفاجق داخمانی (دخمه) سامانمی سانیرسان ؟ آخماخ کیشی اینسانلیقی آسانمی سانیرسان؟
تبریز امروز:
فعله ! اوزونی سن ده بیر انسانمی سانیرسان ؟
پولسوز کیشی، انسانلقی آسانمی سانیرسان؟
انسان اولانن جاه و جلالی گره ک اولسون
انسان اولانین دولتی ، مالی گره ک اولسون
همت دمیرم ؛ ایولری عالی گره ک اولسون
آلچاق ، اوفاجق داخمانی (دخمه) سامانمی سانیرسان ؟
آخماخ کیشی اینسانلیقی آسانمی سانیرسان؟
هر مجلیس عالیده سوخولمه تیز آرایه!
سن دور آیاق اوسته، دیمه بیر سوز امرایه
جایز ده گیل انسانجه دانیشماق فقرایه
دولتلی لره کندنی یکسانمی سانیرسان ؟
آخماق کیشی ؛ اینسانلیقی آسانمی سانیرسان؟
فقریله غنا اهلینه کیم وئردی مساوات
معنی ده ده ، صورت ده ده وار بوندا منافات
اوز فضلینی پولسیز ایده مز کیمسنه اثبات
بو ممتنعی قابل امکانمی سانیرسان؟
آخماق کیشی ، اینسانلیقی آسانمی سانیرسان؟
گیت وور چکوجن، ایشله ایشن، چیقما زه یندن
مقصود مساوات ایسه آیریلما جیکدن
وار نسبتین ارباب غنایه نه شندن؟
بیر عباسی گون مزدینی میلیانمی سانیرسان ؟
آخماق کیشی ، اینسانلیقی آسانمی سانیرسان؟
***
دولتلی بز، البته ، شرافت ده بیزیم در،
املاک بیزیم درسه، ایالت ده بیزیم در،
دیوان بیزیم، ارباب حکومت ده بیزیم در،
اولکه دره بگلک دییه، خان خانمی سانیرسان؟
آخماخ کیشی ،انسانلقی آسانمی سانیرسان؟
آسوده دولانماقدا ایکن دولتمزدن،
آزغنلق ایدیر سزده هله نعمتمزدن؟!
بویله چیقاجاقسز می بیزیم منت مزدن؟!
احسانمزین شکرینی ؛ کفرانمی سانیرسان؟
آخماخ کیشی ، اینسانلیقی آسانمی سانیرسان؟
هیچ بیر اوتانیرسان،
یا بیر اوسانیرسان،
المنه لله
اودلاره یانیرسان!
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت