13 مهر 1399
آیریلیق دوشدو یئنه جانیله جانان آراسیندا گولموشم شمعه کی ، آغلار یانیرام جان آراسیندا آه و اشکیم نه دی ؟ نیسانداکی طوفاندی ؛ یاغیشدیر اوره گیم قوش کیمی آواره دی طوفان آراسیندا ........................................ چوخ دولاندیر باشیوا ؛ آت داشیمی سونرا سوپک تک منده آشفته دوشوم بر و بیابان آراسیندا گوزلرین قوربانی یام توپراغا بیرعبرتیلن باخ گور تفاوت نه دی درویشیله سلطان آراسیندا منی بختیم کیمی همشهرلریمده اونودوبلار "خلفه چین " تکتاپاجاقلار سورا دیوان آراسیندا حشمتین جاهین آزالماز ائله " درویشه " محبت قصه لر واردی قاریشقایلا سلیمان آراسیندا
تبریز امروز:
آیریلیق دوشدو یئنه جانیله جانان آراسیندا
گولموشم شمعه کی ، آغلار یانیرام جان آراسیندا
آه و اشکیم نه دی ؟ نیسانداکی طوفاندی ؛ یاغیشدیر
اوره گیم قوش کیمی آواره دی طوفان آراسیندا
لاله تک باغری قانام ، گر سینه مین داغینی گورسن
باخما قاتدیم باشیمی باشلارا ؛ بستان آراسیندا
ساده لیکدن اوره گین سرینی بیگانه ی آچدیم
نه بیلئیدیم سالاجاق دیللره دستان آراسیندا
کوسدو مندن کی ؛ خطا ائیله میسن ، لال اولا سان دیل
سالمیسان جانی جهنم کیمی هجران آراسیندا
چوخ دولاندیر باشیوا ؛ آت داشیمی سونرا سوپک تک
منده آشفته دوشوم بر و بیابان آراسیندا
گوزلرین قوربانی یام توپراغا بیر عبرتیلن باخ
گور تفاوت نه دی درویشیله سلطان آراسیندا
منی بختیم کیمی همشهرلریمده اونودوبلار
"خلفه چین " تکتاپاجاقلار سورا دیوان آراسیندا
حشمتین جاهین آزالماز ائله " درویشه " محبت
قصه لر واردی قاریشقایلا سلیمان آراسیندا
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.