ائینالی ائل داغی

قطعه نهم از منظومه حلاج اوغلو برای عینالی

تاریخ انتشار : ۱۸:۲۸ ۲۳-۱۱-۱۳۹۸

ائینالی ! قوی داها جینگیلده یه ، شاعیر لریوین اودلو سلامی ! ........................ حق سئوه نلر بویو دور بو سوزوموز ، کارلار ائشیتسین!

تبریز امروز:

 

ائینالی ! قوی داها جینگیده یه ، شاعیر لریوین اودلو سلامی !

جینلاماندا  او" بولود " قوی ائشیده عکس صدامی: 

سن دئدین بوی بیزه قورقود بابادان " سازلی سوز" ایله،

نه اوزاقلاردا قالان اولدوزو سئچدین؟!

سن دولاشدین آ" بولود "! ائل - اوبایا یاشلی گوز ایله ،

بولود قاراچورلو- سهند

یاغاراق، تارلالاری، کووشنی کئچدین.

ایلدیریمدان نه اوزاقلار قاییریب ، تولادین الده

نه قارانلیقلاری بیچیدین؟!

نه اوجا سس له، گورولتویله باغیردین ،

هامی نی حقه چاغیردین.

قوی او سس، داغ - دره ده سسله نه ره ک هر یئره گئتسین،

حاق سسی قوی اوجالیب یئر کوره سیندن گویه یئتسین،

دده قورقودسازی دیر توزلو سازیم ، کور بونو گورسون!

حق سئوه نلر  بویو دور بو سوزوموز ، کارلار ائشیتسین!

 

 

جینلاما : طنین ، جینگیلتی

بولود : بولود قاراجورلو

بوی : دستان، حماسی دستان ، قهرمانلیق دستانی 

 

تصاویر از توفیق وحیدی آذر

 

 

 

  

 

 


نظرات کاربران


@