شعری از شهریار

عظیم شاعریمیز فضولی

تاریخ انتشار : ۰۸:۲۴ ۲۱-۰۳-۱۳۹۸

شرحِ صدرایله صحائف یازیلیر سینه‌سینه لیلةُالْقدره چاتیر مصحفِ نازل دوغولور

تبریز امروز:

شهریار - فضولی حاققیندا

ترکی، فارسی، عربی‌ده نه فضائل وار ایمیش
کی فضولی کیمی بیر شاعرِ فاضل دوغولور

شرحِ صدرایله صحائف یازیلیر سینه‌سینه
لیلةُالْقدره چاتیر مصحفِ نازل دوغولور

صفوینین قیلیجی بو قلمه باخدی دئدی
گل افاضل یاراداق، یوْخسا اراذل دوغولور

اوچ لساندا آچیلیر مکتبِ قرءان قاپیسی
بو مکاتبده اراذل‌دن افاضل دوغولور

توشه‌ی حجّ و زیارت دولور اخلاقِ رسول
ناز‌ِله یوْل اوزونو نازلی منازل دوغولور

"شهریار" بو گمی‌یه اگله‌شه‌لی نوح کیمی
گؤر نه طوفان قوْپاریر! باخ نه زلازل دوغولور


نظرات کاربران


@