خبر های ویژه
7 فروردین 1396
مغرور دوشان
او شاقلار اوچون بیر ناغیل
بالا دوشان یاشیل زمیده آنادان اولموشدی. یوموشاک، بوز توکلری، نازیک بوغلاری، گوزل گوزلری، اوزون قولاخلاری واریدی.
تبریز امروز - کودک و نوجوان :
بالا دوشان یاشیل زمیده آنادان اولموشدی. یوموشاک، بوز توکلری، نازیک بوغلاری، گوزل گوزلری، اوزون قولاخلاری واریدی.
آناسی اُباشدا دوراراخ، زمینی دولانیپ ، یِم آختاریپ تاپیردی. سونرا قایی دیپ ، بالاسینی یِدیردیرَردی. اُنو عزیزلییپ اُخشایاردی:
- آی مَنیم قشنگ بالام، توکلری ایپک بالام.
بالاجا دووشان آناسینین بو نوازیشیندن خوشلانیپ، یِرده- گوی -قالمازیدی ، اُوز-اُوزونه دِیَردی:
-آنام دان تایی هِئچ اُلماز. او، منی یامان چوخ ایستَییر، نیه ده ایستَمَه سین. من یاراشیخ لیام آخی.
گونلر کچدی. بالا دووشان یاواش- یاواش زمی ده گَزمَیه باشلادی! او، بویوموش داحادا قشنگ لشمیشیدی.
بیر سحر بالاجا دوشان یِئنه زمیده گَزیردی. یاخیندا بیر خیشیلتی اِشیتدی.قولاخلارینی شَخلَه دی. بیر ذات اُونا طرف گَلیردی. اوره یی شیددت له دویوندی.قویروغونی قیسیپ قاچماخ ایستَه ییردی کی، بیردن بالاجا کیرپی قاباغینا چیخدی. اُونی گورَن کیمی دوشان دِئدی:
آز قالا اوَره ییم قوپموشدی! مَنده فیکیرلشیرَم کی، گورَه سن کیمدی؟! بو نَه چیرکیندیر.
سونرا کیرپیَه یاخینلاشدی. اُونون خیرداجا و بالاجا بورنونا، اینَه لَرینه باخیپ سوروشدو:
- سنین آدین نَه دیر؟
- منیم آدیم کیرپیدیر!
نَه منه ! کیرپی؟ وای- وای نَه پیس آدین وار! کیرپی! آمما باخ، منیم آدیم نَه قشنگ دیر. دوشان!
یَقین سنی آنان هِئچ سئومیر. یوخسا سَنه یاخشی بیر آد تاپیپ قویاردی. هَله توکلَرینه بیر باخ!!!! اِله بیل اینَه دیر یاکی تیکاندی؟؟!
کیرپینین دوشانا آجیغی توتدو:
- مغرور! دیه دیه ، دووشانین اوستونَه یِری ییپ اینَه َله رینی اُونون بدنینَه باتیرماخ ایستَدی. دوشان تِئز قاچدی. کیرپی گولَه گوله سویلَه دی:
- آنام ، اِیلَه دوز دِییرمیش، مغرورلار همیشه قورخاخ اُولورلار!
آخشام اوستو بالا دوشانین قولاغینا بیر سَس گلدی:
-سَن منیم قشنگ بالامسان، تیکانلاری ایپک بالامسان!
بالا دووشان گولاخلارینا اینانمادی. گورَه سَن، بو سوزلَری دییَن کیمیدی؟ آخی، تکجَه آناسی اُنو بِلَه عزیزلَییردی. اُو آجیخلا سَس گَلَن طرفَه گِتدی. گُوردو کی، سحر کی اینَه لی، بالا کیرپی آناسینین یانیندا اوزانیپ.آناسی دا اُونو اُوخشاییپ دِییر:
-سَن منیم قشنگ بالامسان، تیکانلاری ایپک بالامسان.
بالا دوشان دالی گایتدی. احوالاتی نی اُوز آناسینا دانیشدی. آناسی دِئدی:
- بالا، هر آنا اوچون اُوز بالاسی شیرین دیر! گوزَلدیر! سن مَنیم اوچون! اُو تیکان لی کیرپی دَه اُوز آناسی اوچون... سَنه اوخودوغوم بو نوازیشلی سوزلَر تک منیم یوخ ! بوتون آنالارین بالالارینا دِئدییی سوزلردیر!
بو احوالاتدان سونرا! بالا دوشان نَه گوزَللیی ایله مغرور اُولدی، نَه دَه چیرکینلَره تمسخر ایلَه دی.
میترا فرهنگ فر
ارتباط با تبریز امروز
اخبار ، گزارشات ، عکسها و فیلم های خود را برای ما ارسال دارید . برای ارسال میتوانید از طریق آدرس تلگرامی یا ایمیل استفاده کنید.
اشتراک در خبرنامه
برای اطلاع از آخرین خبرهای تبریز امروز در کانال تلگرام ما عضو شوید.
فرم تماس با تبریز امروز
کلیه حقوق این سایت متعلق به پایگاه خبری تبریز امروز بوده و استفاده از مطالب آن با ذکر منبع بلامانع
است.
طراحی وتولید
توسططراح وب سایت