تورک دیلینده کلیله و دمنه دن بیر ناغیل

اﺅچ بالیق!

تاریخ انتشار : ۲۰:۰۸ ۱۸-۰۳-۱۳۹۷

اﺅزاخ و ال چاتمایان بیر یئرده ، بیرجه بیر گول واریدی. اوردا اوچ بالیق یاشاییردی. بالیقلاردان ایکی سی آییق و تجربه لیدی، اوچونجو سو ایسه خام و تجربه سیز ایدی. بیر گﺆون ایکی اووچو اوردان کچیردی. اونلار گولده کی بالیقلاری گوروپ هر اوچونو توتماخ قرارینا گلدیلر.

تبریز امروز:

 

Image result for three fishes

اﺅزاخ و ال چاتمایان بیر یئرده ،  بیرجه بیر گول واریدی. اوردا اوچ بالیق یاشاییردی. بالیقلاردان ایکی سی آییق و تجربه لیدی، اوچونجو سو ایسه خام و تجربه سیز ایدی.

بیر گﺆون ایکی اووچو اوردان کچیردی. اونلار گولده کی بالیقلاری گوروپ هر اوچونو توتماخ قرارینا گلدیلر.

بالیقلار بو صحبتی اشیتدیلر. آییخ بالیق ایشین نه یئرده اولدوغونو باشا دوشدو و سو گلن طرفدن کنارا چیخدی.

اووچولار گولون سویونون گلدیغی و چیخدیغی هر ایکی یولو باغلادیلار.

ایکینجی بالیق وضعییتی گوروپ ئوز ئوزونه دئدی:

-من فورصتی الدن وئردیم. ایندی منی یالنیز تدبیر و حیله خیلاص اده بیلر.

بونودئیب او اوزونو اولولویه ووروپ، سویون اوزونه گالخدی. اووچولار اونو اولموش بیلیپ قیراغا آتدیلار. بالیق سورونه سورونه ئوزونو چایا سالدی و جانینی بو یوللا خیلاص ائتدی.

عاجیز و خام بالیق اوزونو ایتیرمیش حالدا چیرپینا چیرپینا گاه ساغا ، گاه سولا ئوزدو، گاه سویون آلتی نا باتدی، گاه دا اوزه چیخدی. آخیرده اووچونون تورونا دوشدو.

کلیله و دمنه اثریندن

 

 


نظرات کاربران


@