بیر اوشاق ناغیلی

آیی و سیچان

تاریخ انتشار : ۱۶:۴۲ ۱۱-۱۰-۱۳۹۵

قالمادیم غم ده، یاخشیلیق ایتمزیمیش عالم ده.

تبریز امروز: بیر آیی راحات یاتمیشدی!

اُو، اوزانیپ ایستیراحت ائدرکن، بیر سیچان گَزه، گَزه گلیپ، اوستونه چیخدی!

آیی یوخودان اویاندی. اَل آتیپ سیچانی توتدی.

سیچان آیی یا یالواریپ دئدی:

-سن گل منی بوراخ، یئری دوشه ن ده، من ده عوضینی چیخارام.

آیی گوله، گوله دئدی:

-سن منه نه یاخشیلیخ اِئده بیله رسن؟

سونرا اُو سیچانی بوراخدی!

بیر اُوچو مئشه ده تور قورموش ایدی . آیی همین تورا دوشدو!

نه قدر اَل لش سه ده، توردان خیلاص اولا بیلمدی!

آیی و سیچان  اوشاق ناغیلی

آیی نعره چکیپ فغان اِئتدی! گوز یاشی سِل کیمی آخدی!

اُونون توردان خیلاص اُولدوغونا هئچ بیر اومیدی یوخیدی.

سیچان آیی نین آه و ناله سینی اِئشیتدی. بیلدی کی، آیی تله یه دوشوپ!

اُو، تئز اُوزونو اورا چاتدیردی!

گلیپ ایتی دیشلریله تورو کسدی و آیی نی خیلاص اِئتدی.

آیی دئدی:

قالمادیم غم ده، یاخشیلیق ایتمزیمیش عالم ده.

 

سید عظیم شیروانی  

 

 


نظرات کاربران


@